Биир дойдулаахтарым Россия Президенин быыбарыгар Владимир Путиҥҥа улахан бырыhыаны биэрбиттэрин көрөн олус диэн дуоhуйдум уонна астынным. Күүстээх боппуруос турдаҕына, түмсүүбүт күүhүн көрдөрөр эбиппит. Бу буола турар утарыта турууга, НАТО халын аармыйата Россияны кистээн сэрииhиттэринэн, кыбыстыбакка сэриитин сэбинэн, аhынан-таҥаhынан күүскэ көмөлөhө турара харахха быраҕыллар.
Биир дойдулаахтарбыттан элбэхтэ истэр этим, биhиги атын дойдулартан сайдыыбыт, олохпут таһыма хаалан иhэр диэн. Мин тириэньэр, күрэхтэһиигэ судьуйата идэбинэн 15 сылустата 60-ча аан дойду судаарыстыбаларыгар сылдьан, ССРС, РСФСР, СНГ уонна Россия сүрүн куораттарын көрөн, дьэ үрүҥү—хараны арааран олоробун. Биhиги дойдубут курдук таптаабыт сиргэр бултаан, ханна талбыккынан сир ылан, төhө кыаххынан сүөhу-сылгы ииттинэн, ыраас ууну иhэн олорор сир суох. Бэйэҥ баҕаҕынан ханнык баҕарар бизнеhи тэринэр кыахтаах буолаҕын, итини өссө былаас өйүүр, көмөлөhөр. Маннык баай дойдуну өссө көрө да иликпин. Мээнэҕэ СНГ гастербайдердара дойдуларыттан куотан кэлбэтэхтэрэ буолуо. Аан дойду баайбытын босхо ылаары бу утары турууну тэрийбитэ бэркэ диэн биллэр.
Александр Куприянов, РФ, СӨ үтүөлээх тириэньэрэ, физическэй култуура уонна спорт үтүөлээх үлэһитэ, аан дойду кылаастаах судьуйа.