Булгунньахтаах орто оскуолатыгар «Көтөр мээчик» диэн волейболга 2012-2013 сыллаах кыргыттарга улуустааҕы күрэхтэһии буолла. Уопсайа 5 оскуола хамаандата кытынна.
Биһиги оскуолабытыттан Скрябина Милана, Сыромятникова Лера, Теплоухова Элина, Очиржапова Айлаана, Сотрудникова Мирослава уонна мин оскуолабыт чиэһин көмүскээтибит.
Биллэн турар, олохтоох оскуола оҕолоро бэйэлэрин спортменнарыгар «ыалдьаннар» ыһыы- хаһыы, көх-нэм бөҕө этилэр. Ол эрээри, биһиги бу тыҥааһыннаах күрэххэ бастакы миэстэни ыламмыт олус диэн үөрдүбүт! Быйыл Уһук Илин бараммыт волейболга күрэхтэспит уопуппут олус туһалаата. Аны өрөспүүбүлүкэтээҕи күрэххэ бараары утумнаахтык дьарыктанабыт.
Оҕолоор, спорду таптааҥ, араас сирдэргэ толлубакка баран кыттыҥ, оччоҕо ситиһии, кыайыы да баар буолуо!
Санаайа Очиржапова, П.С.Скрябин аатынан 1-кы Дьөппөн орто оскуолатын 7 кылааһын үөрэнээччитэ. МедиаКиин.