Россия норуоттарын култуураларын үйэлээх баайын – саха төрүт үҥкүүтүн оһуохайы харыстыыр уонна тарҕатар соруктаах сыалтан Саха сиригэр ыам ыйын 25 күнэ Оһуохай күнүнэн биллэриллибитэ. Онон бу күн киэҥ далааһыннаахтык бэлиэтэнэрэ күүтүллэр.
Оттон биһиги Бырааттыы Николаевтар ааттарын сүгэр 2-с Дьөппөн орто оскуолатыгар «Оһуохай — төрүт үгэс үҥкүүтэ» диэн тэрээһин ыыттыбыт. Биллэрин курдук, оһуохай бастатан туран поэзия, иккиһинэн — ырыа, үсүһүнэн – үҥкүү. Онон бу күн оҕолорго оһуохайбыт норуот айар дьоҕурун бииргэ түмпүт ураты көрүҥэ буоларын быһаардыбыт, видеоурок көрдөрдүбүт, ону сэргэ, оһуохай көрүҥнэрин, тутулун, түһүмэхтэрин билиһиннэрдибит. Тэрээһин кыттыылаахтара саха омук күҥҥэ сүгүрүйэр үҥкүүтүн хамсаныыларын хатылаатыбыт уонна түмүккэ ыалдьыттарга кинигэ быыстапкатын сырдаттыбыт.
Ньургуйаана Лебедева, Күөрдэм бибилэтиэкэтин сэбиэдиссэйэ.