Оскуола олоҕо
И.М. Яковлев аатынан Покровскай 1 №-дээх орто оскуолатыгар Кыайыы 80 сылыгар анаммыт саахымакка оскуола иһинэн бастакы турнир буолан ааста.
Күрэхтэһии оскуолабыт выпускнига, билигин урбаанньыт, биллэр общественник Юрий Дмитриевич Яковлев олохтообут бирииһигэр тэрилиннэ.
1-11 кылаастартан барыта 78 саахымаччыт күөн көрсөн, бэйэлэрин дьоҕурдарын, сатабылларын көрдөрдүлэр. Сытыы киирсиилэр кэннилэриттэн түмүк маннык буолла: алын кылаастарга 1 миэстэ — 4 «в» кылаас;
2 миэстэ — 4 «а» кылаас;
3 миэстэ — 2 «б» кылаас.
Орто сүһүөххэ:
1 миэстэ-7 «а» кылаас;
2 миэстэ-6 «а» кылаас;
3 миэстэ-6 «б» кылаас.
Улахан кылаастар:
1 миэстэ-10 «б» кылаас;
2 миэстэ-10 «а» кылаас;
3 миэстэ — 11 «б» кылаас.
Тэрийэр кэмитиэккэ, Юрий Дмитриевичка интэриэһинэй турнир иһин махталбытын тиэрдэбит. Бу маннык умсугутуулаах, мындыр, өй, толкуй үлэтин сайыннарар саахымат күрэхтэһиитэ элбэх оҕону мунньубута олус кэрэхсэбиллээх. Оскуолабыт дириэктэрэ Спиридон Спиридонович Шишигин этэринэн, бу саахымат күрэҕэ үгэскэ кубулуйан сыл аайы ыытыллыаҕа.
Кыайыы өрөгөйүн билбит, бириистээх миэстэлэргэ тиксибит оҕолору эҕэрдэлиибит! Бары кыттыбыт эдэр спортменнарга үөрэххэ уонна спорка саҥа ситиһиилэри баҕарабыт!
Видео: https://t.me/gazetahangalas/35078
Кира Винокурова, И.М. Яковлев аатынан Покровскай 1 №-дээх орто оскуолатын 8 «б» кылааһын үөрэнээччитэ, суруналыыһа.