Фетисовтар, Касатоновтар маннык сиртэн тахсыахтара

Покровскайга Монастыыр күөлүгэр саас кэлэн катокка оҕо бөҕөтө хаҥкылыыр буолла.

Куорат аҕаларын түмсүүтэ Уйбаан Уйгуурап көҕүлээһининэн оҕолорго араас холлорооннору, кытыытыгар сыырдары оҥорон хас биирдии кырачаан хайдах сөбүлүүрүнэн сырылыыр, сүүрэр-көтөр.
Сэлиэнньэлэрбитигэр да хаалсыбаттар.

Өлүөнэ очуостарын аттыгар оҥоһуллубут кортка ырааҕынан да тиибэтэр, Нөмүгүгэ хоту Горькай күөлүгэр (былыргы аата, краевед Раиса Федорова этэринэн, Мэкчэ күөлэ) олохтоохтор дьоҕус каток оҥорбуттарыгар оҕо-аймах мунньустар! Төлүппүөн манаан нүксүйэн олорбокко сааскы салгыҥҥа сүүрэри-көтөрү, дуоһуйа сынньанары ханнык оҕо сириэй. Баҕар бу уолаттартан үүнэн, тыыллан-хабыллан тахсаайаллар аныгы Фетисовтар, Касатоновтар. Учууталлара Прокопий Ноговицын да хаалсыбатын көрүҥ.

Санатар буоллахха, быйыл Арассыыйаҕа биллэриллибит Дьиэ кэргэн сылыгар «Всей семьей» бырайыак үлэлиир. Бу бырайыак чэрчитинэн кыттааччылар араас тэрээһиҥҥэ сылдьан, уустуга суох сорудахтары толорон бириистээх оонньууга кыттыахтарын сөп. Бырайыак сайта👉 всейсемьей.рф

Людмила Мордовская, «Хаҥалас» хаһыат.