Аҕам саастаахтар күннэрин чэрчитинэн Покровскай олохтоохторун икки ардыгар Спорткомплекса куораттааҕы күрэх ыытылынна. Чөл, чэбдик олоҕу кэрэхсиир, спорду олохторун аргыһа оҥостубут дьоммут сарсыарда эрдэттэн муcтан остуол тенниһигэр, хабылыкка, хаамыскаҕа, дартска, «Попади в лузу” оонньууга кииристилэр.
Кыттааччылар сытыы киирсиилэри көрдөрөн кыайыы өрөгөйүн биллилэр. Остуол тенниһигэр дьахталларга I миэстэ Наталья Борисова, II миэстэ Ольга Филиппова, III миэстэ – Людмила Федорова буоллулар. Эр дьоҥҥо Юрий Черняк бастаата, II миэстэ Валерий Адамов, III миэстэ Спиридон Шишигин буолла. Хабылыкка, хаамыскаҕа Надежда Скрябина, Василий Можуков I миэстэни ыллылар, II миэстэ Зоя Келина, Спиридон Шишигин уонна III миэстэ Люция Варламова, Михаил Наумов буоллулар. Дартска Валерий Адамов тэҥнээҕин булбата, II миэстэ Людмила Федорова буолла уонна III миэстэҕэ Екатерина Михайлова тигистэ. «Попади в лузу” кыайыылаах Любовь Васильева, II-с Валерий Адамов уонна III миэстэ Николай Филиппов буоллулар.
Покровскай куорат аҕам саастаах дьоно сөбүлүүр дьарыктаахтарын, чөл олоҕу тутуһалларын, сүүрэ-көтө, олох бүппэт түбүгэр сылдьалларын үөрэ көрөҕүн. Кинилэрэлбэхтэ сибиэһэй салгыҥҥа хаамаллар-сүүрэллэр, дьону-сэргэни кытта билсэ-кэпсэтэ, ыллыы-туойа, аныгы олоҕу кытта сайда олорор буолан, бачча саастарыгар диэри чэгиэн-чэбдик олороллор, үөрэ-көтө сылдьаллар, эдэр ыччакка үтүө холобур буолаллар.
Василий Можуков, СӨ спордун бэтэрээнэ, Покровскай к.