Хачыкаат нэһилиэгэр 20-тэн тахса сыл ыытыллар «САДУОБАУК» улуустааҕы аһаҕас күрэх «Сарыал» КК буолан ааста.
Дьокуускайтан, Мэҥэ Хаҥаластан, Намтан, Муоматтан, Покровскайтан, Күөрдэмтэн, Нөмүгүттэн, Улахан Аантан, Хачыкааттан, Кыhыл Үрүйэттэн барыта 41 спортсмен кытынна. Күрэх сүрүн спонсорынан сылын аайы РФ үтүөлээх механизатора Роман Куприянов буолар. Быйыл бу күрэхпит кылаабынай судьуйата Исай Афанасьев 55 үбүлүөйдээх сааһыгар анаан тус бэйэтэ хаан, собо, убаhа этэ, өрүс балыга — анал бириистэри туруоран күрэххэ кэлбит ыалдьыттары-спортменнары өттүк харалаах, илии тутуурдаах ыытта.
Кыттааччылар кэлэр сылга үгэс буолбут күрэххэ өссө да кэлиэхпит диэн бары үөрэ-көтө тарҕастылар. Эһиилги сылга көрсүөххэ диэри!
Сардана Ефимова, Хачыкаат с.