М.Е. Васильева аатынан 2-с Малдьаҕар орто оскуолата быйыл 100 сааһын туолар, өрөгөйдөөх үбүлүөйүн ахсынньы ыйга бэлиэтиэхпит. Бу улахан тэрээһини көрсө “100 добрых дел к 100-летию школы” аахсыйа биллэриллибитэ. Ол аахсыйа иһинэн “Подари цветок родной школе” үтүө дьыала тэриллэн, 36 сибэккини оҕолор, учууталлар, оскуолабыт выпускниктара бэлэхтээтилэр, өссө даҕаны сибэкки арааһын биирдиилээн аҕала тураллар.
Биһиги, 10 кылаас үөрэнээччилэрэ, сыл устата оскуола сибэккилэригэр уу кутан, көрөн-харайан көмөлөһүөхтээхпит. Дьуһуурустуба оҥорон, кимнээх хаһан уу куталларын быһаарбыппыт.
Сибэкки бэлэхтээбит дьоҥҥо махтанабыт.
Ньургун Ильин, М.Е. Васильева аатынан 2 Малдьаҕар орто оскуолатын 10 кылааһын үөрэнээччитэ.