Биһиэхэ нуучча тылын, литературатын учуутала Сардаана Афанасьевна Борисова өйтөн суруйууга күрэх биллэриллибит, ким онно кыттыан баҕалаах суруйуҥ диэбитэ. Кини барытын быһааран биэрбитигэр 4-5 буолан өйтөн суруйбуппут. Учууталым мин суруйуубун талбыта, сүбэ-ама биэрбитэ. Мин улааттахпына үөрэхтээх киһи булуом, Саха Сиригэр авиакомпания тэрийэн дьон олоҕун тупсарыам этэ, сырыыны тэрийэн оҥорон, ас, фрукта, тиэхиньикэ арааһын тиэйтэриэм этэ. Бу баҕа санаам туоларыгар элбэҕи билиэхтээхпин, ааҕыахтаахпын, музейдарга сылдьыахтаахпын диэн өйтөн суруйуубар сиһилии суруйбутум. Бу үлэм сыаналанан соторутааҕыта 2-с истиэпэннээх дипломунан наҕараадаланным уонна олус үөрдүм ситиһиибинэн.
Наҕарааданы туттарыыга учууталбынаан Дьокуускай куоракка бараммыт Ил Түмэҥҥэ көрсүһүүгэ сырыттыбыт. Салгыы Өктөмҥө СӨ бастакы президена Михаил Николаевка анаммыт Форумҥа наҕараадаларбытын туттардылар. Бу ситиһиим иһин учууталбар барҕа махталбын тиэрдэбин.
Нектегяев Айсаар,
1-кы Дьөппөн санаторнай оскуолатын 6 кылааһын үөрэнээччитэ.