Сыал ытыыга бойобуой генерал А.И.Притузов аатынан күрэхтэһии буолла

2023 сыл-Россияҕа Педагог уонна уҕуйааччы сыла. Манна анаммыт Саха сирин бастакы бойобуой генерала, Гражданскай уонна Аҕа дойду сэриитин кыттыылааҕа Уулаах Аантан төрүттээх Андрей Иванович Притузов аатынан өрөспүүбүлүкэтээҕи сыалытыыга күрэх буолан ааста.

Биһиги оскуолабыт А.И.Притузов аатын сүгэр. Үөрэхпит кыһатын дэгиттэр талааннара чиҥээн иһэр.
Балаган ыйын 17 күнүгэр Покровскай куоракка спорткомплекска А.И.Притузов аатынан сыал ытыыга улахан күрэҕи подполковник Иван Гурьев көҕүлээн тэрийэн ыытта, күрэхтэһии кылаабынай судьуйата буолла, судьуйаларынан Николай Кычкин, Виктор Громов дьокутаат үлэлээтилэр. Үрдүк таһымнаах күрэхтэһиигэ биһиги оҕолорбут, бэйэлэрин саастыылаахтарыгар кыайыы үөрүүтүн биллилэр. Соломонова Вика бастаата (упражнения «белка ВП»), Припузов Алик, Иванов Вася үһүс миэстэни ыллылар. А.И.Притузов аймахтара, сыдьааннара кыттыһан бириис туруордулар. Күрэхтэһиини тэрийсибит, салайсыбыт дьоммутугар подполковник И.М.Гурьевка, Н.С.Кычкиҥҥа, В.П.Громовка, А.П.Петроваҕа, Спорткомплекс тутаах үлэһиттэригэр, волонтер оҕолорбутугар, спортсменнарбытын күрэхтэһиигэ бэлэмнээбит Павел Заморщиковка, нэһилиэкпит баһылыгар Егор Исаковка барҕа махталбытын тиэрдэбит! Күрэхтэһии аһыллыытыгар А.И.Притузов пааматынньыгар сибэкки дьөрбөтүн уурдубут.

Людмила Петрова