Бу сыллата ыытыллар күрэхпитигэр хаһан даҕаны бачча элбэх үлэ киирэ илигэ (былырыын 534 уруһуй киирбит этэ). Саха сиригэр кыстыыр көтөрдөрү оҕолорбут сөбүлээн уруһуйдаабыттар.
Кыайыылаахтары саастарынан арааран быһаардыбыт. Ол курдук 5-10 саастаахтарга Эдьигээнтэн «Елочка» уһуйаантан Эрсан Созонов бастаата, иккис миэстэҕэ Горнай улууһун Маганы оскуолатыттан Надя Мальцева, үһүскэ — Тааттаттан Ытык Күөл оскуолатыттан Алиана Филатова таҕыстылар.
Орто саастаахтарга (11-14) туһааннааҕынан Горнай улууһун Бэрдьигэстээҕиттэн Миша Алексеев, Дьокуускайтан Оҕо дыбарыаһын иитиллээччитэ Кристина Ермолаева, Покровскайтан художественнай оскуолаттан Айаал Пермяков миэстэлэстилэр. Бастыҥ үлэлэргэ анал ааттар иҥэрилиннилэр. «Эдэр худуоһунньук» аатынан Хаҥаластан «Аленушка» уһуйаантан 5 саастаах Кэскил Керемясов, «Кэрэхсэнэр графическай ньыма» диэн аатынан Сунтаартан Дайаана Чалбаанова, Айымньылаах сыһыан» анал аатынан Муоматтан Алексей Слепцов, «Хатыламмат толоруу» диэнинэн Дьокуускайтан «Теремок» уһуйаантан Даниил Забара бэлиэтннилэр, «Көрөөччүлэр бириистэрин Бүлүүттан Миша Син ылла, онтон «Редакция биһирэбилэ» «Грани творчества» студия уруһуйдьутугар Вика Хабитоваҕа туттарылынна. Бары кыттыбыт, татыйык чыычааҕы хоһуйбут оҕолорбутугар махтанабыт.
820 үлэттэн талан 80-чатын Покровскайга паарка визит-киинигэр көрдөрүүгэ туруордубут. Быыстапкабытын кэлэн астына көрүҥ!
Экологическай уруок ыытылынна
Сэтинньи 15-гэр — Аан дойдутааҕы туһаттан тахсыбыт бородууксуйаны хаттаан переработка күнүгэр, Покровскайга национальнай паарка визит-киинигэр экологическай уруок буолла.
Айылҕа харыстабылыгар, ресурстары харыстыыр сыалтан ыыталлар туһаттан тахсыбыт бородууксуйаны иккис тыынныырга аналлаах үлэ күнэ араас дойдуларга ыытыллар буолтун билэҕит дуо? Россия хас биирдии киһитигэр сылга 470 кг бөх тиксэрин? Бу , уонна да атын туһунан Покровскай 3 №-дээх оскуолатын 4 «а» кылааһын үөрэнээччилэригэр экологическай уруокка паарка истисэлииһэ Наталья Тимофеева бэсиэдэ оҥордо. Интерактивнай оонньуу оҕолор болҕомтолорун тарта. Маннык уруок иккис оскуолаҕа эмиэ буолар ааста.
Пресс-центр НП “Ленские столбы».