Оҕолорбут суруйаллар
Биһиги оскуолабытыгар, үгэс быһыытынан, Төрөөбүт тыл, сурук-бичик күнүгэр саха тылын учууталлара София Ивановна Прокопьева, Лена Ивановна Данилова уонна гуманитарной цикл учууталлара бастакы уруокка кэлэрбитигэр алгыстаах алаадьынан айхаллыы көрүстүлэр. Үөрүү аргыстанан бары астына үөрэннибит. Уруоктар кэннилэриттэн бары улахан саалаҕа мустаммыт саха суругун-бичигин төрүттээбит лингвист-учуонай С.А.Новгородов туһунан бэрт интэриэһинэй кэпсээни иһиттибит, ол кэнниттэн остуол оонньууларыгар оонньоотубут.
5-кылаастан Алексеев Ратмир, Маркова Айыына, Михайлов Арсиэн, 6 кылаастан Адамов Вася, Адамов Тима, 7 кылаастан Борисова Айсена, Дягилев Андрей, Очиржапова Санаайа, Скрябина Милана С.П.Ефремов аатынан Булгунньахтаах орто оскуолатыгар ыытыллыбыт «Ийэ тылбыт этигэн кэрэтэ» сахалыы бэстибээлгэ ситиһиилээхтик кыттан кэллибит. Ол курдук, бу бэстибээлгэ 17 оскуолатан 261 үөрэнээччи кытынна. Биһиги 13 түһүмэххэ ааһаммыт улуус үрдүнэн иккис миэстэни ыллыбыт! Онон бэлэмнээбит уонна илдьэ сылдьыбыт учууталбытыгар София Ивановнаҕа, бибилэтиэкэр Мария Прокопьевна Михайловнаҕа махталбытын тиэрдэбит. Эһиил өссө толору хамаанданан кыттар уонна кыайар санаалаахпыт. Төрөөбүт төрүт тылбытын өрүү өрө тута, таптыы сылдьыаҕыҥ!
Борисова Айыына, Очиржапова Санаайа, 1-кы Дьөппөн орто оскуолатын 7 кылааһын үөрэнээччилэрэ. МедиаКиин.