Төрөппүт оҕотун кытары дьарыктанар

I-Дьөппөҥҥө оскуола- интэринээппитигэр Аһаҕас аан күнэ тэрилиннэ. Төрөппүттэрбит бу күн оҕолорун кытта бииргэ дьарыктаннылар, үөрэннилэр. Елена Тролукова «Нетрадиционная техника рисования — пальцеграфия», «Семейное дерево» дьарыгы ыытта. Оҕолор бэркэ ойулаатылар. Баай уопуттаах, талба талааннаах учууталбыт Татьяна Борисова «Бумажная пластика» диэҥҥэ үөрэттэ. Үлэ учуутала Алексей Иванов  телефону уурааччыны оҕолорго оҥоттордо. Покровскайтан педагог — психологтар Марианна Заболоцкая, Саргылана Филиппова интэриэһинэй оонньуулары, тренини ыыттылар. Төрөппүттэр кылаас-чаастарга сырыттылар, аһаҕас кэпсэтиигэ кытыннылар, оҕолоро аһыллан үлэлииллэрин, ыйытыкка хоруйдуулларын көрдүлэр, бииргэ дьарыктаннылар.

Бу тэрээһин дьиэ кэргэҥҥэ тапталы уонна кининэн киэн туттууну, биир сомоҕо буолан үлэлиирбитигэр, сайдарбытыгар  ситиһиигэ туһуланна. Кыттыбыттарга махтанабыт. Инники былаан киэҥ, үлэ элбэх.

Санатар буоллахха, быйыл Арассыыйаҕа биллэриллибит Дьиэ кэргэн сылыгар «Всей семьей» бырайыак үлэлиир. Бу бырайыак чэрчитинэн кыттааччылар араас тэрээһиҥҥэ сылдьан, уустуга суох сорудахтары толорон бириистээх оонньууга кыттыахтарын сөп. Бырайыак сайта👉 всейсемьей.рф

Анастасия Мордовская, иитээччи, Тиит- Эбэ.

Читайте дальше