Рязань куораттан Марина Чупейкина АНО «Универсум» Экологическай стратегияларга агенствотын «Бастыҥнар хамсааһыннарын» «Школа лесных координаторов» бырайыакка кыттан Саха өрөспүүбүлүкэтин Ирбэт тоҥ проблемаларыгар институкка сылдьан, онно оҕолорбут бу кыһалҕаларынан дьарыктаналларын кэрэхсээн биҺиги дэриэбинэбитигэр кэлэ сырытта. Олохтоох дьону, нэҺилиэк дьаһалтатын үлэһиттэрин кытта көрсөн кэпсэттэ.
Отучча сыл устата оскуола аннынан сис быара, сыырдара алдьанан улахан аппалар үөскээбит сирдэрин кини көрдө, билистэ. Дэриэбинэ иҺигэр сылгы, сүөҺү мэччийэн, тэпсэн алдьатан кэбиҺиэхтэрэ диэн күрүөлэнэригэр диэн буолла. Ол гынан балаҕан ыйын 14 күнүгэр сарсыарда 11 чаастан, хортуоппуй хостонор кэмэ буолан ким сололооҕунан кэлэннэр,аппалар бөхтөрүн ыраастаатыбыт. Эр дьон баҕана үүтүн хаҺан саҕалаатылар. Марина Вячеславовна Мерзолотоведение институтун үлэҺиттэрин кытта кэлбитэ. Квадрокоптерынан аппаларбытын үөҺэттэн, аллараттан түҺэрбиттэрэ. Дьиэлэрбитинэн тарҕаспакка оскуола таҺыгар турар беседкаҕа эбиэттээтибит, онтон киэҺэ Саха сирин ботаническай саадыттан яблоня, вишня аҕалбытын олортубут.
Иккис күммүтүгэр ыалдьыппыт облепиха олордору көрдөрдө, кэпсээтэ. КиэҺэ хойут Иркутскайтан МаринаЧупейкина кэргэнэ массыынатынан уон алта тыҺыынча бэс маһы аҕалла (Дьиэ кэргэн оҕолорун илдьэ сылдьаллар). ҮҺүс күммүтүгэр эр дьоммут, уолаттарбыт баҕана маҺын сулуйан туруораннар, сиэрдьийэ саайан хойукка диэри үлэлээн биир күн иҺигэр күрүөбүт оҥоһулунна.
Дьахтар—аймах эдэрдиин—кырдьаҕастыын оскуола оҕолорун кытта бэс олортулар. Бу күн Дьокуускай куораттан, Покровскайтан устудьуоннар, «Бастыҥнар хамсааһыннара» түмсүү чилиэннэрэ автобуҺунан, ону сэргэ Покровскайтан, чугас дэриэбинэлэртэн ойуур хаһаайыстыбатын үлэһиттэрэ кэлэн күүс-көмө буоллулар. Бу мас олордуута сир сиҥниитин тохтотуо диэн эрэнэбит. Олордуллубут талахтарбыт, бэс маспыт ылсаннар, бэс чагдаҕа кубулуйан дьон хараҕынүөртүн, аппаларбыт остуннар! Дэриэбинэбит тупсарын, сайдарын туҺугар күүс-көмө буолбут дьоммутугар барҕа махталбытын тиэрдэбит.
Варвара Кузьмина, Тиит Арыы орто оскуолатын педагога.