«Точка роста» оҕо сайдыытыгар туһалаах

«Үөрэҕирии» национальнай бырайыак чэрчитинэн Г.В. Ксенофонтов аатынан Тиит Арыы орто оскуолатын базатыгар 2022 сыллаахха естественнэйнаучнай уонна технологическай хайысхалаах «Точка роста» Киин арыллыбыта.

Манна оҕолор уопсай үөрэхтээһин бырагырааматынан «Физика», «Химия», «Биология» предметтэргэ эрэ үөрэммэттэр, эбии үөрэх, уруок кэнниттэн дьарыктар эмиэ ыытыллаллар.

Бу киин салайааччыта эдэр педагог, физика уонна информатика учуутала  Айыына Николаевна Ефимова буолар.

Орто оскуолаҕа, чуолаан, органическай химияны үөрэтиигэ  үөрэнээччилэр кэккэ ыарахаттары көрсөөччүлэр. Онон, химия учуутала буоларым быһыытынан, бу предмеккэ үөрэнээччилэрим интэриэстэрин көҕүлээри, бэйэ-лэрин билиилэрин практикаҕа туһанар кыахтарын арыйаары 10 кылаас үөрэнээччилэригэр «Химия тулалыыр эйгэбитигэр» уруок таһынааҕы дьарыкка духуу оҥорторорго соруммутум.

Үөрэнээччилэрим номнуо ханнык сыты туһаналларын билэр буоланнар ону сакаастаан ылбыппыт.

Бу сонун дьарыкка оҕолор бары олус көхтөөхтүк, умсугуйан туран кыттыбыттара. Кыһаллан оҥорбут духууларын оҕолор Аан дойду дьахталларын күнүгэр тапталлаах ийэлэригэр бэлэхтээбиттэрэ.

Бу маннык үлэ кэмигэр үөрэнээччилэр уруокка ылбыт билиилэрин-көрүүлэрин  толору туһаммыттара. Оҕолор духуу оҥоруу процеһын олус сөбүлээн дьарыктаммыттара.

Маннык «Точка роста» Киин оскуола үөрэнээччилэригэр олус элбэх кыаҕы, билиини биэрэр. Үтүө түмүк баарын государственнай аттестациялара туоһулуур: физикаҕа уонна химияҕа БКЭ, государственнай эксээмэн  практическай чааһыгар оҕолор үрдүк бааллы ылаттаабыттара.

Дарья Макарова, химия учуутала.