Улуустааҕы бэстибээлгэ көхтөөхтүк кытынныбыт

Төрөөбүт тыл уонна сурук-бичик күнүгэр аналлаах Покровскай 2орто оскуолатыгар буолан ааспыт «Ийэ тыл этигэн кэрэтэ» үөрэнээччилэр улуустааҕы бэстибээллэригэр С.П.Ефремов аатынан Булгунньахтаах орто оскуолатыттан  23 оҕо уон көрүҥҥэ кыттыбыта. Анастатова Дарина (7 кыл.), Сергеев Денис (6 кыл) уонна Иванова Юля (9 кыл) олоҥхону толорууга, Алексеева Карина (7 кыл) Өбүгэ оонньууларыгар, Анастатов Коля (8 кыл) Аман өс күрэххэ көхтөөхтүк кыттан кэрэһит ыллылар.
Хамаанданан квиз оонньууга Анастатов Коля,Лазерев Олег (9 кыл), Алексеев Ньургун (5 кыл), Остуол оонньууларыгар Алексеева Карина, уус-уран ааҕыыга 5 кылаас үөрэнээччилэрэ Макаров Сандаар, Стручков Эрсаан, Мордосов Айтал, Шкулёв Айастаан, «Олоҥхону төһө билэҕин?тургутук күрэхтэһиигэ Анастатова Дарина,Быганова Сардаана (8 кыл), Максимова Эвелина (8 кыл), ойуулук күрэҕэр кыттыбыт 7 кылаас үөрэнээччилэрэ  Семёнов Эльдар, Соловьёва Тася, Алексеева Уйгулаана Биһирэбил бириэмийэҕэ тигистилэр. «Ыраас тыллаах чабырҕахсыт» диэн анал ааты 6 кылаас үөрэнээччилэригэр Давыдова Дианаҕа, Фокинова Санитаҕа, Петрова Амелияҕа туттардылар. “Өркөн өй күрэхтэһиигэ 5 кылаас үөрэнээччилэрэ Алексеев Ньургун, Алексеева Айсена, Николаева Нарыйаана, Никитина Грета, Лыткина Уйгууна  2 миэстэни ыллылар.

Улуустааҕы бэстибээлгэ норуот айымньытын улахан жанрын олоҥхону  бөлөҕүнэн толорууга 6 бөлөх уонна биирдиилээн толорууга 3 оҕо кыттыбыта. В.М. Новиков–Күннүк Урастыырап Тойон Дьаҕарыма олоҥхотун Тиит Арыы,   С.С.Васильев ” Мөҥүрүүр Бөҕө олоҥхотун 2Дьөппөн, А.Н.Алексеев Хаҥалас Боотур“ олоҥхотун Булгунньахтаах, Яковлев Е.П.- Той Дьэрэмэй ”Чэмэриллэ Чээчик”олоҥхотун 1-кы Дьөппөн,  Борисов Ю.П. ”Көмүскэс санаалаах Күн Айыы Киһитэ Кэскил Бухатыыр” олоҥхотун Төхтүр, “Бөртө Боотур” Уйгулаана Иванова олоҥхотун (Е.Менкярова нууччалыы тылбааһын) Покровскай 2оскуолатын үөрэнээччилэрэ толорбуттара. Олоҥхону кэрэхсэбиллээхтик толороннор I миэстэни 2-с Дьөппөн,  IIмиэстэни 1-кы Дьөппөн,  III миэстэни Тиит Арыы оскуолалара ыланнар үрдэлинэн наҕаарадаланнылар.  Олоҥхону биирдиилээн толорууга 3 оҕо кыттыбыта: Афанасьев Владислав (II-c Малдьаҕар) -1 миэстэ, Тихонов Дархан (II-c Малдьаҕар) -2 миэстэ,  Гермогенов Арчын (Покровскай 2№ оскуолата) 3 миэстэ буолбуттара.

Улуустааҕы бэстибээл олус интэриэһинэйдик ааспыта. Оҕолор эһиилги бэстибээлгэ үчүгэйдик бэлэмнэнэн, ситиһиилээхтик кыттыахтара дии саныыбын.

Анастатова Дарина С.П.Ефремов аатынан Булгунньахтаах орто оскуолатын 7 кылааһын үөрэнээччитэ.