Барыта 271 спортсмен 16 улуустан кытынна. Ол иһигэр Хаҥаластан 4 спортсмен миэстэлэстэ.
Оҕолорго (2007 c.т.) 50 кг (19 бөҕөс) Миша Прокопьев иккис буолла.
Эр дьоҥҥо (2006 с.т. үөһээ) 65 кг (35 бөҕөс) Виталий Эспек үһүскэ таҕыста.
Бэтэрээннэргэ (1984 с.т. уонна үөһээ) 80 кг (9 бөҕөс) Прокопий Петров бастаата. 90 кг үөһээ (6 бөҕөс) Степан Гаврильев иккис буолла.
Күрэхтэһии кылаабынай судьуйанан О. Дадаскинов үлэлээтэ.
Саха аатырбыт хапсаҕайдьыттара Прокопий Петров (Хаҥалас) – Платон Саввинов (Үөһээ Бүлүү) икки ардыларыгар икки хотууга дылы матчевай күрэх ыытыллынна. Матчевай күрэх спонсордарынан Үөһээ Бүлүүттэн хапсаҕайга федерация бэрэссэдээтэлэ Иван Николаев уонна көҥүл тустууга федерацияттан Дмитрий Петров 60 тыһыынча туруордулар. Хоппут бөҕөскө Прокопийга 40 тыһыынча, хотторбукка 20 тыһ. солк. туттардылар.
Аар Дархан аатын ыллылар:
Оҕолорго Эльдар Гуляев (Кэбээйи) – 20 тыһ.солк., эр дьоҥҥо (75 кг дылы) Тимур Николаев (Үөһээ Бүлүү) – 100 тыһ.солк., эр дьоҥҥо (75 кг үөһээ) Никита Хабаров (Мэҥэ Хаҥалас) кыайан – 100 тыһ.солк. бириис туттулар.
Лотерея оонньонно. Чемпионнарга барыларыгар шкатулка таттарбыттара. Сүүйүүлээх Никита Хабаров (Мэҥэ Хаҥалас) 500 тыһыынчаны ылла.
Кыайыылаахтарга бэртээхэй мэтээллэри, лиэнтэлэри кэтэртилэр. Турнир үрдүк таһымнаахтык ыытылларыгар ис сүрэхтэриттэн кыһаммыт «Үс Хоһуун» үлэһиттэрэ буолаллар (начальник Егор Николав). Бурятия Республикатыттан Аан дойду кылаастаах маастар, Россия, Европа көҥүл тустууга боруонса призера, Иван Ярыгин бирииһигэр турнир кыайыылааҕа Балдан Цыжипов кэлэн кыттан күрэхтэһии таһымын үрдэттэ.
Василий МОЖУКОВ, СӨ спордун бэтэрээнэ,
Покровскай к.