Покровскайга Оҕо поликлиникатыгар барыыга итии ситимин тыраассатын туоруур кирилиэс хаарбах туруктаммыта быданнаата. Ону үтүө санаалаах аҕалар, Покровскай куорат «Эргис» эр дьонун түмсүүтүн кыттыылаахтара бу соторутааҕыта саҥардан, тупсаран биэрдилэр.

Тутуу матырыйаалынан бастыҥ уопсастыбанньык, үтүө киһи Андрей Дьяконов 1 кууб хаптаһынынан, биллэр урбаанньыт Сергей Гребнев мас поддоннарынан көмөлөстүлэр. Тутуутун бу үлэни баһылаабыт дьоммут Павел Гермогенов, Александр Рожин, Петр Дмитриев, Тимофей Кириллин биир күнү тура үлэлээн бүтэрдилэр. Аҥаардас сатыы эрэ киһи сылдьарыгар буолбакка, кэлээскэлээх, салааскалаах дьоҥҥо эмиэ табыгастаах буоларын курдук, бигэ-таҕа гына оҥордулар.

Куораппыт олохтоохторо тиэргэннэрин хомуналларын, оҥостоллорун таһынан, таһынааҕы уулуссаларын хомуйа-ыраастыы, кыраны бэйэлэрин күүстэринэн оҥоро сырыттахтарына, барыта тупсан иһиэ этэ. Туох барыта эргэрэр, алдьанар, өрө тардыллыбатаҕына өтөхсүйэр.
Оттон маннык уопсастыбаннай түмсүүлэр куораппыт олоҕо тупсарыгар төһүү күүс буолаллар.

Уйбаан УЙГУУРАП.