Маннык ааттаах үйэлээх үгэһи иҥэринэн илдьэ сылдьар көмүс тарбахтаах Нөмүгү нэһилиэгин уустарын, иистэнньэҥнэрин дьикти-сөҕүмэр үлэлэрин киэҥ эйгэҕэ билиһиннэрэр быыстапка ХИФУ П. А. Лазарев аатынан Мамонт музейыгар арылынна.
Манна 16-17 үйэ үгэстэриттэн саҕалаан саха таҥаһа саҥа кэмнэр кэлэн истэхтэрин аайы сайдан, барҕаран испитин, дьиҥ чахчы сөргүтүүнү сөҕө-махтайа көрдүбүт. История уонна наука үлэһиттэрин, үгэһи тутуһар иистэнньэҥнэр бииргэ үлэлээн бу маннык кэрэ айыллан тахсарын, туох барыта былыргыттан утумнаахтык сайдарын, төрүттээх-силистээх буоларын туоһулаатылар., Утумнаах үлэ дьикти уонна сөҕүмэр көстүүтүттэн үөрүү, астыныы, саха буоларбытынан киэн туттуу көрөөччүлэр куттарын-сүрдэрин кууста. Иһийэн олорон ис турукка киирии диэн бу буоллаҕа!
Саха сиригэр биллэр иистэнньэҥнэр Валерия Никифорова, Виктория Ноговицына, Александра Романова сылы быһа айан-тигэн таһаарбыт сөҕүмэр кэрэ таҥастара киэҥ эйгэҕэ саҥа көрдөрүлүннүлэр. Көмүс тарбахтаахтаах иистэнньэҥнэрбитин уонна научнай салайааччыларын Светлана Петрованы, Александра Прокопьеваны, түмэл үлэһиттэрин ис сүрэхтэн эҕэрдэлиибит!
Прокопий Ноговицын.