«Күн-дьыл туран биэрдэр хомуур үлэтэ кэмигэр түмүктэниэ этэ…». Маннык санаалаах улууспут кырыы нэһилиэгэр Иһиккэ баар тыа хаһаайыстыбатын кээпэрэтиибин туруу үлэһитэ Валерий Соловьев сарсыарда эрдэттэн эбиэс ыһыллыбыт сирин кэрийэн үлэтин күнүн саҕалыыр. Күнүһүн оттуур.
— Киэһээтин эмиэ кэрийэбин, сүөһү киирбэтин, күрүө наһаа эргэ, ким эмит аанын аһан баран эҥин ааспатыннар диэн, — кэпсииркини. – Дьиҥинэн, оннук үлүгэр куттал суох. Бары бэйэ-бэйэбитинбилсэбит, дьон үлэтин харыстыыбыт даҕаны… Бурдук төһө сиппитин кэтээн көрөбүн. Хомуллар буолан эрэр. Үүнүү үчүгэй, ардах атахтаабатар кылгас кэмҥэ быстаран тиэйиэ этибит. Техникабыт бэлэм. Эрдэ көрүммүппүт. Соловьев Юрий Георгиевич уолунаан Егордуун дьаһайыахтара. Дуогабардаахпыт. Аҕа киһи комбайынынан быстарар, уола «Урал» массыынатынан утары таһан иһээччи. Техниканы билэр дьон, – кэпсиир Валерий Германович.
Салгыы билиһиннэрдэххэ, «Иһит» ТХПК уонунан сылларга сүрүннээн хортуоппуйу үүннэриинэн дьарыктанан кэлтэ. Өрүү үчүгэй үүнүүнү ситиһэллэрэ. Кэлин сылларга суол-иис уустук тардааҕынан хортуоппуйу батарыы кыаллыбат буолан иһэринэн быйыл ыһыы иэнин аччаттылар – 10 гектары олордубуттара. Бурдук хомуура бүттэ даҕаны балаҕан ыйынбастакы күннэриттэн нэһилиэнньэ көмөтүнэн хостуур санаалаахтар. Бурдук 35 гектарга ыһыллан турар. Сиэмэ көстүбэккэ эбиэс ыспыттара. Нэһилиэнньэ сылгытыгар, кууруссаҕа син бэркэылар. Салайааччы Татьяна Петрова этэринэн сиэмэ бурдук быйылсаас эрэй бөҕөнөн тиийбитэ, биэс туоннаны атыыласпыттар уоннабэйэлэрин сиэмэлэрин туттубуттар (өссө 80 куул батарыллыбакка сытар). Ханна да курдук, тиэхиньикэ эргэрэн эрэр, механизатордар уопуттарынан эрдэттэн көрүллэн, өрөмүөннэнэн үлэлиир. «Хортуоппуй копалкатыгар кыһын сакаастаабыт саппаас чаастарахата тириэрдилиннэ» диэн үөрэр салайааччы. Онон сүрүн тырахтарыыс Федот Николаевич Прохоров кэтэх ото бүтэн өрөмүөҥҥэ үлэлээн эрэр. Валерий Аркадьевич Тетерин соҕотох кэриэтэ окко үлэлээтэ. Бүтэн эрэллэр. Онтон бурдукка турунуохтара. «Күн эрэ туран биэрдэр» дэһэллэр Иһит турууүлэһит дьоно уонна быһа этэртэн туттуналлар… Дьиҥинэн, Иһит дьоно ханнык да дьылга үгэстэринэн син өлөн-охтон биэрбэттэрин билэбин. Хортуоппуй үүнүүтэ үчүгэй чинчилээх. Кураан күһүнү баҕарыаҕын! Сыралаах үлэлэрэ тилиннин.
Людмила АММОСОВА.
Валерий Соловьев бурдуктаах бааһынатын күн аайы кэрийэн көрөр (от ыйын 10 күнүгэр түһэрии).