— Манна испииһэккэ 589 киһи киирбитэ.Сарсыарда болдьоммут кэмҥэ 7 киһилээх быыбар хамыыһыһыйата үлэтин Россия гииминэн саҕалаабыта, — диэн иһитиннэрдэ нэһилиэк дьаһалтатыттан кылаабынай исписэлииһэ Ирина Иванова. — Быыбар хаамыытын общественнай кэтээн көрөөччүлэргэ СӨ Общественнай палататыттан, «Биир ньыгыл Россия», «Сиэрдээх Россия», КПРФ политическай партиялар штабтарыттан бааллар. Быыбардааччылар көхтөөхтүк кэлэллэр. Дьиэлэригэр куоластыахтарын баҕарааччылартан сайабылыанньалар киирэ тураллар, онон куоластатыы балаҕан ыйын 10 күнүгэр тэриллиэ.
— Мин элбэх оҕолоох ийэбин. Быйылгы быыбарга талыллыбыт Аҕа баһылыкпыт, Ил Түмэҥҥэ, Улуустааҕы мунньахха талыллыбыт депутаттарбыт өрөспүүбүлүкэбит, нэһилиэктэрбит сайдалларын туһугар үлэлиэхтэрэ диэн күүтэбин. Биһиэхэ, Сиинэҕэ, оҕо уһуйаанын дьиэтэ тутуллуон наада,эдэр исписэлиистэр олорор дьиэлэрэ суох. Ыаллар дьиэлэрэ киинтэн сылааска толору холбоно илик. Бу тыын боппуруостар быһаарыллаллара буоллар нэһилиэкпит сайдыа этэ дии саныыбын, — диэтэ быыбардааччы Тапталлаана Шадрина.
— Быыбарга кыттыы хас биирдиибит гражданскай иэһэ буолар, — диэн эттэ бибилэтиэкэр Юлия Якушева, — Бу быыбардартан мин элбэҕи күүтэбин, соҕуруу сытар нэһилиэктэрбитигэр улахан болҕомто ууруллара буоллар — ыаллар дьиэлэрин сылааска холбооһун,» Умнас» суолун ситэри оҥоруу о.д.а.кыһалҕаларбыт үгүстэр.Сиинэ үрэхпит муостата тулуллуон наада.Онон быыбарга биир дойдулаахтарбын кыттарга ыҥырабын! — диэн баҕа санаатын тириэртэ.
Сиинэҕэ быыбар салҕанар.
Людмила Аммосова.
Ирина Иванова хаартыскаҕа түһэриилэрэ.