Ким күүстээх, сытыы, сымса ол — кыайбыта!

«Азия оҕолоро» VIII-c оонньуулары көрсө

    2016 сыллаахха VI-с Норуоттар икки ардыларынааҕы «Азия оҕолоро” оонньууга 35 дойду хамаандата, Россия 8 эрэгийиэниттэн барыта 2841 спортсмен кыттыбыта, 321 кэмпилиэк мэтээл оонньоммута.

    Саха сириттэн спорт 22 көрүҥэр 446 спортсмен кыттыыны ылбыта. Оонньуу кылаабынай судьуйата үрдүкү спортивнай маастарыстыба оскуолатын дириэктэрин солбуйааччы, норуоттар икки ардыларынааҕы категориялаах судьуйа Семен Чердонов этэ. Оттон кылаабынай сэкирэтээр — Чолбонбассейн дириэктэрэ Семен Говоров.

    Спорт араас көрүҥнэригэр сүдү улахан баараҕай тутуулар тутуллубуттара. Дьокуускай куораппыт тупса киэркэйбитэ. Бу эдэр ыччат спордунан дьарыктанан чөл олохтоох буоларыгар сүҥкэн кылаат буолар. Оҕо кыра эрдэҕиттэн спорду сэҥээрэн, таптаан улаатарыгар иитэр. Этин-хаанын, доруобуйатын бастакы миэстэҕэ туруорарын ситиһэр.

    35 дойдуттан уонна Сибиирдээҕи федеральнай уокурук сүүмэрдэммит хамаандата 114/49 кыһыл көмүс, 29 үрүҥ көмүс, 36 боруонса мэтээли ылан, барыларыттан чорбойон тахсыбыта. Саха сирин спортсменнара 97/27 кыһыл көмүс, 34 үрүҥ көмүс, 36 боруонса мэтээли ыланнар бастакы хамаанда иккис буолбуттара.Үсүһү казахтар – 89 (25 кыһыл көмүс, 28 үрүҥ көмүс, 36 боруонса) ылбыттара. Ким күүстээх, сытыы, сымса ол кыайбыта!

Василий МОЖУКОВ, СӨ спордун бэтэрээнэ. Покровскай к.

Фото: ЯСИА и открытие источники