Тиит Эбэҕэ I Дьөппөн сүрүн уопсай үөрэхтээһин санаторнай оскуола-интэринээккэ Аҕа дойдуну көмүскээччи сылынан уонна Улуу Кыайыы 80 сылын көрсө Анал байыаннай дьайыы кыттыылаахтарын сырдык ааттарын үйэтитэн үөрэнээччилэр II байыаннай-патриотическай сүлүөттэрэ тэрилиннэ.
Манна барыта 10 хамаанда, 100 оҕо кытта сылдьар. Итини таһынан Мэҥэ Хаҥалас улууһуттан Г.И. Соловьев аатынан Ороссолуода орто оскуолатын эдэр армеецтара кэлбиттэр.
Сүлүөт үөрүүлээх арыллыытыгар Россия Геройа, «Сулус» байыаннай ытыыга үөрэҕин киинин генеральнай дириэктэрэ, Ил Түмэн дьокутаата Александр Колесов, Ил Түмэн дьокутаата Алиш Мамедов, Анал байыаннай дьайыы кыттыылаахтарын төрөппүттэрэ, аймахтара кыттыыны ыллылар.
Бэргэн ытааччылар пневматическай саанан ытыыга, АК-74 Калашников автоматы ыһыыга-хомуйууга, автомат маҕаһыыныгар ботуруону угууга-сүөкээһиҥҥэ куоталастылар.
Байыаннай патриотическай кулууптар салайааччыларыгар, ыалдьыттар кыттыылаах «Төгүрүк остуол» тэрилиннэ.
Түһүмэхтэр икки ардыларыгар сынньалаҥ кэмигэр оҕолорго «Хорсун буолуу» уруога ыытылынна.
Эбиэт кэннэ элбэх түһүмэхтээх военизированнай эстафетаны ыытыахтара.
Уйбаан Уйгуурап.