Саха сатаабатаҕа суох
Билигин дьон бары тугу эрэ бэйэтэ оҥорор, айар-тутар. «Саха сатаабата суох» диэн телевидениенэн бииртэн биирталба талааннаах дьону билиһиннэрэллэр. Киһи сөҕө, кэрэхсии көрөрө элбэх. Ол иһин хас биирдии киһи бэйэбитигэр эмиэ ыйытык туруорунабыт: “Онтон мин тугу сатыыбын?” диэн.
Ватсап ситимигэр Дьөппөҥҥө, Хаҥалас улууһун норуот маастара Людмила Константинова туоһунан «Биэс харахтаах харысхал» оҥорорго үөрэтэр биллэрииитэ кэлбитин сэҥээрэммин, мин онно суруйтардым уонна дойдубар киирдим.
Людмила Прокопьевна туостан хайдах кыра-кыра үс муннуктары кырыйан, ону сырдык, хараҥа туос өҥүнэн наардаан, бастакы күҥҥэ үлэбит саҕаланна. Муннуктан муннугу ыпсары тутар, эчи, хаппырыыс да үлэ эбит диэн саныы-саныы үс муннуктары кырыйан сыһыара-сыһыара бастакы күн күнүс икки чаастан киэһээ алтаҕа диэри бириэмэ ааспытын билбэккэ да хааллыбыт. Мин уҥуортан бу киирбит эрэ курдугум. Сарсын өссө 70 үс муннугу кырыйан аҕалаарыҥ диэбиттэригэр, уу эчи элбэҕин диэн, сүрдээҕин салла санаатым.
Покровскайга дьиэбэр кэлэн хайдах бүтэрэрим буолла диэнсаны-саныы, үлэбин саҕалаабытым. Арай, аттыбар ким эрэыйан биэрэ, көмөлөһө турарын курдук, үлэм улахана бүтэн хаалла. Иккис күммүтүгэр эмиэ мустан туостан «Биэс харахтаах харысхалбытын» силигин ситэрэн, астына дуоһуйан тарҕастыбыт.
Туос эмтээх дииллэрин итэҕэйдим. Дууһалыын сынньанан астынным, дуоһуйдум. Кэрэ эйгэлээх иис-уускуттаах Людмила Прокопьевна наһаа үчүгэй бэлэх тэҥэ бэртээхэй дьарыкка ыҥыран үөрэппиккэр ис сүрэхпиттэн махтанабын.
Биһиги эмиэ тугу эрэ илиибитинэн сатыыр эбиппит диэнсанаабыт күүһүрдэ, тулабыт сырдаата.
«Саха сатаабата суох» — биһиги эмиэ сатыыр эбиппит.
Кэрэҕэ тардыһыахха,
Үтүөнү түстүөххэ,
Үүммүт күнтэн туох эрэ кэрэни күүтүөххэ уонна айыахха.
Татьяна Петрова — Мойуу Кыыһа. Покровскай к.