Библиографическай конгресска
Библиографическай конгресска улууспут араас библиотекаларын үлэһиттэрэ кытыннылар. Санаатын үллэстэригэр Кытыл Дьура библиотекарыттан Мира Петроваттан көрдөстүм:
— Балаҕан ыйын 16-19 күннэригэр Дьокуускайгаыытыллыбыт IV-с норуоттар икки ардыларынааҕы библиографическай конгресс саҕаланыытыттан бүтүөр дылы кытынным. Географ үөрэхтээх буоламмын, «Россия араас куораттарыгар, регионнарыгар уонна омук дойдуларыгар библиография цифровизация кэмигэр хайдах туруктааҕый?» уонна «Краеведение в библиографии» диэн секцияларга сырыттым. Конгресс үрдүк таһымнаахтык, чаҕылхайдык ааста. Сайдыы балысханнык бара турар. Интернет, цифровизация күннээҕи эйгэҕэ күүскэ киирэн эрэр кэмигэр, Искуственнай интеллегы күүскэ муоһалаан, баһыйтарбакка, бииргэ тэҥҥэ көмөлөһүннэрии бу буолар, библиотекалар кэлэр соруктара, онно биһиги бэлэм буолуохтаахпыт.
Мин бу саас Национальнай библиотека ыыппыт куурсугар үөрэнэн, бу проблеманы истэн эрэ билбэппин, күннээҕи үлэбэр туһанарга, дьону туттарга үөрэтэргэ бэлэмнэнэбин, ону тэҥэ олорор түөлбэм библиографиятын үөрэтиигэ эмиэ ылсан эрэбин. Холобур, биһиги биллиилээх суруйааччыларбыт үлэлэрин, кинилэр олохторун үөрэтэр, чинчийэр учуонайдар үлэлэрин сааһылааһыҥҥа бастакы хардыыларбын оҥоробун. Бу конгресстан элбэх саҥаны, сонуну биллим, бэйэбэр иҥэринним, — диэтэ Мира Николаевна.
Людмила Аммосова.