Аҕа күрэҕэр кыттааччылары быһаардылар

Кулун тутар 15 күнүгэ Григорий Лукин баһылыктаах Тиит Арыы нэһилиэгэр Чкаловка улуус “Аҕаларын күрэҕэ”  бэрт тэрээһиннээхтик ыытылынна. Дьиэ кэргэн үйэлээх өйдөбүллэрин бигэргэтэр, үүнэр көлүөнэ ыччаты иитиигэ аҕа оруолун үрдэтэр хайысхалаах күрэхтэһиигэ саастарынан икки бөлөххө барыта 12 хамаанда (аҕа уолунаан) кытынна.

Тэрийээччилэринэн Хаҥалас улууһун, Покровскай куорат уонна нэһилиэктэр дьаһалталара, аҕалар сүбэлэрэ буоллулар.  Улуус баһылыга Сергей Гребнев, социальнай боппуруостарга солбуйааччыта Николай Степанов, дьаһалта дьиэ кэргэн бэлиитикэтин салаатын салайааччыта Наталья Григорьева, Покровскай куорат баһылыга Виктор Константинов кыттыыны ыллылар, ону сэргэ, Нөмүгү нэһилиэгин баһылыга Наум Устинов бэйэтинэн көҕүлээн уолунаан Васялыын күрэххэ кытынна.

Хамаандалар 7 түһүмэххэ күрэхтэстилэр. Улахан саастаах уолаттардаах бөлөххө миэстэлэстилэр: маһы суоруу түһүмэҕэр 1-кы миэстэ – Нөмүгүттэн  Кононовтар, 2-с Устиновтар, 3-с миэстэ Григорьевтар.

2 түһүмэх – маһы эрбээһин: 1-кы миэстэ – Нөмүгүттэн Григорьевтар, 2-с  миэстэ Лукиннар, 3-с миэстэ Нөмүгүттэн  Кононовтар.

3 түһүмэх – мас хайытыы уонна бэлэмнээһин: Нөмүгүттэн Григорьевтар кыайыылаахтар, 2-с миэстэ –Кононовтар, 3-с миэстэ – Пермяковтар буоллулар.

            4 түһүмэх – ойбону алларыы: 1-кы миэстэ – Покровскайтан Латышевтар, 2-с миэстэ Нөмүгүттэн Пермяковтар, 3-с миэстэ – Кононовтар.

5 түһүмэх – баҕанаҕа ыттыы: 1-кы миэстэ – Нөмүгүттэн Григорьевтар, 2-с миэстэ Пермяковтар ааттаннылар, 3-с миэстэҕэ Кононовтар тигистилэр.

6 түһүмэх – уоту оттуу уонна чэй өрөөһүнэ:Нөмүгүттэн Пермяковтар иннилэрин биэрбэтилэр, 2-смиэстэ – Покровскайтан Латышевтар, 3-с миэстэ – Нөмүгүттэн Григорьевтар буоллулар.

7 түһүмэх – биатлон (туут хайыһардаах): 1-кы миэстэни Нөмүгүттэн Устиновтар ситистилэр, 2-с миэстэ –Пермяковтар, 3-с миэстэ – Кононовтар.

Кыра саастаах уолаттардаах бөлөххө миэстэлэстилэр:

маһы суоруу: 1-кы миэстэ – Нөмүгүттэн Титовтар, 2-смиэстэ – Стручковтар, 3-с миэстэ – Покровскайтан Заморщиковтар;

маһы эрбээһин – 1-кы миэстэ – Нөмүгүттэн Титовтар,2-с миэстэ – Покровскайтан Заморщиковтар, 3-с миэстэ – Скрябиннар;

мас хайытыы уонна бэлэмнээһин: 1 миэстэ –Покровскайтан Заморщиковтар, 2-с миэстэ — Скрябиннар, 3-с миэстэ — Нөмүгүттэн Устиновтар;

ойбону алларыы: 1-кы миэстэ – ПокровскайтанЗаморщиковтар, 2-с миэстэ – Нөмүгүттэн Титовтар, 3–с миэстэ – Устиновтар;

баҕанаҕа ыттыы: 1-кы миэстэ – Нөмүгүттэн Титовтар, 2-с миэстэ — Устиновтар, 3-с миэстэ – Покровскайтан Заморщиковтар;

уоту оттуу уонна чэй өрөөһүнэ: 1-кы миэстэ –Покровскайтан Заморщикотар, 2-с миэстэ – Нөмүгүттэн Устиновтар, 3-с миэстэ – Титовтар;

биатлон (туут хайыһардаах) — 1 –кы миэстэ –Нөмүгүттэн Устиновтар, 2 –с миэстэ – Стручковтар, 3-смиэстэ – Нөмүгүттэн Титовтар.

7 көрүҥ түмүгүнэн Нөмүгүттэн Михаил Григорьев уолунаан Дьулуурдуун үөһэ бөлөххө кыайыылааҕынан буоллулар. Алын бөлөххө Покровскай куораттан Валерий Заморщиков уолунаан Васялыын бастаатылар. Кинилэр бу күрэххэ  туйгун бэлэмнээхтэрин көрдөрдүлэр.

Күрэхтэһии бары кыттааччылара тэрээһин үрдүк таһымҥа ыытыллыбытын бэлиэтииллэр, тэрийээччилэргэ, ону сэргэ тус нэһилиэктэрин дьонугар-сэргэтигэр өйөбүллэрин иһин, бириис туруорбут бары спонсордарга ис-сүрэхтэриттэн махтаналлар. Бу аҕа уолунаан күрэх Хаҥалас улууһугар төрүт үгэһи сүтэрбэккэ дьоһун суолталаах тэрээһининэн буолар. Аҕа уонна уол оҕо биир сүрэх, биир тыын буолан сомоҕо хамаанда буолалларын көрдөрдүлэр.Оттон талыы Тааттаҕа XXVI төгүлүн ыытыллыахтаах “Аҕа күрэҕэ —2026”күрэхтэһиигэ Хаҥыл Хаҥалас үрдүк аатын  Нөмүгүттэн Григорьевтар Михаил уолунаан Дьулуурдуун көмүскүөхтэрэ.

Уйбаан УЙГУУРАП,

Виктор КОНСТАНТИНОВ хаартыскаҕа түһэриитэ уонна видеоҕа устуута.