#ӨрөспүүбүлүкэтээҕиФорум
ФОТОВИДЕОФАКТ
Бүгүн Хаҥаластааҕы киин бибилэтиэкэҕэ «Чолбон» уус-уран литературнай уонна общественнай-политическай сурунаал төрүттэммитэ 100 сылын көрсө II Өрөспүүбүлүкэтээҕи литература кулууптарын уонна айар түмсүүлэрин форума саҕаланна. Манна өрөспүүбүлүкэбит араас улуустарыттан, Дьокуускай куораттан литература кулууптара кытталлар.
Тэрээһин бырагырааматынан билигин «Дорҕоонноохтук!» бэйэ айымньытыттан быһа тардыыны көҥүл ааҕыы түһүлгэтэ буола турар. Итиэннэ «Сулустаах» хоско суруйааччыны кытта көрсүһүү, айар холбоһуктар салайааччыларыныын төгүрүк остуол ыытыллыа. Күн иккис аҥарыгар «Уус-уран тыл. Проза», «Уус-уран тыл. Поэзия», «Саха аныгы литературатыгар ааҕааччы рецензията», «Киинэ уонна сериал сценарийын маастарыстыбата» хайысхаларынан үлэ тэриллиэ.
Форумҥа суруйааччылар Данил Макеев, биир дойдулаахпыт Анна Варламова-Айысхаана, поэттар Гаврил Андросов, Ангелина Шадринова-Суоһааны, Рустам Каженкин, драматурдар Семен Ермолаев-Сиэн Өкөр, Утум Захаров, режиссер Эдуард Новиков, «Чолбон» редколлегия чилиэннэрэ Анна Прудецкая, Олег Сидоров, литературнай критик Ольга Макарова уо.д.а. кытталлар.
Ольга Гермогенова.
Ааптар хаартыскаҕа түһэриитэ, видеоҕа устуута: https://t.me/gazetahangalas/51668
