Хаҥаластааҕы киин бибилэтиэкэҕэ элбэх көлүөнэ ыччаты билиигэ, үтүөҕэ сирдээбит Булгунньахтаах орто оскуолатын учууталлара Анна Ивановна Тимофеева уонна Вячеслав Семенович Лыткин тустарынан “Жизнь, достойная подражания” диэн дьоһун кинигэ биһирэмэ буолан ааста.
Кинигэни бэлэмнээн, хомуйан таһаарда кыраайы үөрэтээччи Наталья Павлова. Наталья Ивановна бу номнуоалтыс кинигэтэ буолар. Кинигэҕэ 45 сыл устата математика учууталынан үлэлээбит Ленин, Үлэ Кыһыл Знамята, БочуотЗнага уордьаннар кавалердара Анна Ивановна Тимофеева уонна 16 сыл физика учууталынан, производствоны үөрэтии маастарынан үлэлээбит Вячеслав Семенович Лыткин төрүттэрэ-уустара, олохторо, үлэлэрэ-хамнастара, үөрэппит оҕолорун ахтыылара, Лыткиннар-Тимофеевтарпедагогическай династияларын туһунан суруллар. Элбэхархыып докумуоннара, историческай справкаларкиирбиттэр. Бу кинигэни Наталья Ивановна үөрэппит учууталыгар, саҥаһыгар Анна Ивановнаҕа, таайыгарВячеслав Семеновичка махтал бэлиэтигэр уонна кинилэрбыйыл төрөөбүттэрэ 90 сылынан бэлэмнээн таһаарда.
Тэрээһини бибилэтиэкэ үлэһитэ Сардана Гермогенова иилээн-саҕалаан ыытта. Биһирэмҥэ Ил Түмэн мунньаҕын депутата Алиш Мамедов, Хаҥаластааҕы үөрэх управлениетын начальнига Юрий Шадрин кытыннылар. Анна Ивановна уонна Вячеслав Семенович сырдыкааттарыгар сүгүрүйэр чугас, аймах-билэ дьоно, бииргэүлэлээбит, алтыспыт доҕотторо, үөрэппит оҕолоро мустаннар истиҥ иэйиилээх ахтылҕан күнүн сылаас эйгэтэтэрилиннэ, истиҥ-иһирэх сэһэргэһии киэһэтэ буолла. Наталья Ивановна Павлова биир дьоһун үлэтэ үрдүктүк сыаналанна.
Сардана Гермогенова.
