2-с Малдьаҕар нэһилиэгэр 7-с №-дээх аҕыйах ахсааннаах баһаарынай чаас саҥа дьиэтэ тутуллан үлэҕэ киирдэ. Манна сүрүн көмөнү «Якутцемент» АУо ПХ толорооччу дириэктэрэ, Ил Түмэн дьокутаата Алиш Мамедов, улуус уонна нэһилиэк дьаһалталара оӈордулар. Тутууну Петр Иванов начаалынньыктаах баһаарынай чаас байыастара тус сатабылларынан, дьүккүөрдээхтик үлэлээннэр киллэрдилэр.
Үөрүүлээх тэрээһиҥҥэ СӨ Ыксаллаах быһыыга-майгыга уонна нэһилиэнньэ көмүскэллээх буолуутун миниистирин солбуйааччыта Айаал Вензель, СӨ гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыы миниистирин солбуйааччыта Анатолий Большаков, Ил Түмэн дьокутаата Алиш Мамедов, улуус баһылыга Сергей Гребнев, улуустааҕы 37-с нүөмэрдээх баһаары утары охсуһар этэрээт начаалынньыга Федор Севостьянов кытыннылар.
Баһаарынай чаас бары байыастара туйгун сулууспаларын, дьоһуннаах үлэлэрин иһин махтал бастыҥын иһиттилэр, наҕараада туттулар.
Үөрүүлээх тэрээһини «Аан аартык» култуура киинин үлэһиттэрэ иилээн-саҕалаан ыыттылар, «Көмүлүөк» эбээлэр түмсүүлэрэ ырыалаах-тойуктаах кытыннылар.
Уйбаан Уйгуурап.
Ааптар хаартыскаҕа түһэриитэ, видеоҕа устуута.
