Вера Алексеевна, Вашингтонтан чугас Мерилэнд штатыттан Джордж Мейсон университетын научнай үлэһитэ, Нью-Йорктааҕы Естественнай историяҕа түмэлин Арктикаҕа чинчийээччитэ эдьиийэ Анна Алексеевна Павловалыын Ойго «Эллэйээдэ” үөрэнээччилэр научнай комплекснай экспедицияларын чилиэннэрин кытары көрсүһэ сырытта.
Оҕолор үлэлэрин билиһиннэрдилэр, экспедициялартан булумньуларын көрдөрдүлэр, хотугу норуоттар историяларын, килиимэт уларыйыытыгар экологическай кыһалҕалары үөрэппит бөдөҥ учуонайтан элбэҕи биллилэр-көрдүлэр. Ол курдук, айылҕаттан булуллубут экспонаттарын кытары Щвецияттан биир дойдулаахпыт Галина Вильям «Улахан дьон үөрэнэр бастааҥҥы кинигэтин”, букубаарын (Новгородов алпаабытынан суруллубут, П.Н. Самсонов бэлэмнээн Дьокуускайга 1923 сыллаахха бэчээттэммит), көрдөрдүбүт. Бу кинигэ дьикти историялаах – Саха сириттэн Бакуга тиийбит, 2018 сылга диэри Турцияҕа харалла сыппыт, онтон Нью-Йорка ыытыллыбыт этэ. Вера Соловьева бу аан дойдуну кэрийбит букубаары 1918 сыллаахха Нөмүгүгэ аҕалбыта (оччотооҕу хаартыскаттан көрүҥ). Мин аҕам Роман Прокопьевич Ноговицын, 1911 с.т., Одуну Харыйалааҕар төрөөбүт киһи, Аҕа дойду Улуу сэриитин бэтэрээнэ, маннык кинигэнэн үөрэммит этэ.
Вера Соловьеваны кытары саха төрүт култууратын, үгэстэрин туһунан кэпсэттибит, Нью-Йорктааҕы история түмэлигэр харалла сытар экспонаттар тустарынан элбэҕи биллибит.
Прокопий НОГОВИЦЫН, “Эллэйээдэ» оҕолор экспедицияларын салайааччыта.
