Улуус баһылыгын иитинэн Вячеслав Алексеев салайыытынан үлэлиир Хаҥалас ытык сүбэтин саҥа састаабынан иккис мунньаҕа үс боппуруоһу көрдө.
Бастакынан, улууска сайыҥҥы сүөһү аһылыгын соҕотуопкалааһын түмүгүн туһунан тыа хаһаайыстыбатын департаменын салайааччыта Александр Константинов иһитиннэрии оҥордо. Кини кыстыыр оту, сиилэһи, сенаһы син хаһаанныбыт даҕаны, от хаачыстыбата мөлтөҕө кыстыкка охсуулаах буолуон, эбии соруктары ылынар туһунан дьиксинэн эттэ.
Иккис боппуруоһунан оттукка олорор дьиэлэри уонна социальнай эбийиэктэри кэмигэр киллэрии туһунан дьаһалта инфраструктураҕа управлениетын исписэлииһэ Борис Христофоров иһитиннэрдэ, субсидия харчыта тардылларынан, сыана үрдүүрүнэн тэрилтэлэр кыһалҕаны көрсөллөрүн о.д.а. кэпсээтэ. Үсүһүнэн, Покровскай куорат дьаһалтатын кыл. испэсэлииһэ Данил Меньшиков куорат эйгэтин тупсарыыга үлэни билиһиннэрдэ, эмиэ кыһалҕа үгүс даҕаны үлэ барарын бэлиэтээтэ. Ытык сүбэ чилиэннэрэ элбэх этиини киллэрдилэр, сүбэ-ама биэрдилэр.
Людмила Аммосова.
Хаартыска ааптартан.
