Улуустааҕы бибилэтиэкэ иһинэн үлэлиир «Иһирэх түмсүү» литературнай музыкальнай гостинайга СӨ култууратын үтүөлээх үлэһитэ, Хаҥалас улууһун култууратын, бибилэтиэкэ үлэтин бэтэрээнэ Тамара Гаврильевна Свинобоева үбүлүөйдээх сылыгар аналлаах истиҥ тэрээһин буолла.
Тамара Гаврильевна култуура эйгэтигэр 50 сыл үлэлээн кэллэ. Кини Хаҥалас улууһун устуоруйатын, култууратын үөрэтиигэ олоххо киирбит бырайыактар ааптардара. Улууска тахсар «Хаҥыл» сурунаал редколлегиятын чилиэнэ. Иллэҥ кэмигэр «Орхидея» арт-студия уруһуйдьуттар кулууптарыгар дьарыктанар. Бэлиэ күн кини айар үлэтигэр анаммыт «Сыралаах үлэ — сырдык дьулуурдаах олох» быыстапка тэрилиннэ.
Хаҥалас улууһугар култуура сайдыытыгар сүҥкэн кылааты киллэрбит Тамара Свинобоеваны бииргэ идэлээхтэрэ, бибилэтиэкэҕэ олохторун анаабыт бэтэрээннэр, аймахтара, общественность истиҥник эҕэрдэлээтилэр, дьолу- соргуну баҕардылар.
Валентина Колесова.
