«Иркутско—Якутский почтовый тракт. Станция Иситская» диэн саҥа кинигэни философскай наука кандидата, Иһит сириттэн төрүттээх Людмила Филиппова доҕотторун көмөтүнэн хомуйан, үбүлээн оҥорон таһааран биир дойдулаахтарын үөртэ.
Кинигэ архыып докумуоннарыгар, кырдьаҕастар ахтыыларыгар олоҕуран таҕыста. Ааптар Иһит, Чураан почта ыстаансыйаларын сэргэ Заимка, Нохорой, Чураан База перевалочнай пуун олохтоохторун ахтыыларын киллэрдэ, дойдутун туһунан салгыы үөрэтэргэ саҥа чинчийээччилэргэ соруктары туруорда. Кинигэни билиһиннэрии алтынньы 21 күнүгэр күнүс 11-чаастан Дьокуускай куоракка норуоттар доҕордоһууларын дьиэтигэр ыытыллара былааннанар.
Людмила МОРДОВСКАЯ.