Кытыл Дьураҕа Үлэ, Эйэ, Күөх Маай бырааһынньыгын күнэ икки төгүл үөрүүлээх буолла. Анатолий Добрянцев аатынан “Сайдыы” Култуура киинигэр “Экстра-Синема” платформатыгар олоҕуран “Кытыл-Синема” диэн киинэ саалата үөрүүлээхтик арылынна.
—Олохтоохтор саҥа тахсыбыт киинэлэр премьераларын күн киин куораттартан хаалсыбакка көрөр кыахтаннылар. Бүгүн, Анал байыаннай дьайыыга хорсуннук сэриилэһэ сылдьар биир дойдулаах буойуттарбыт туһунан, дьиҥнээх буола турар түбэлтэлэргэ олоҕуран уһуллубут “буруолуу” сылдьар “Алдан” диэн киинэ премьератын көрдүлэр. Киинэ саалата Биир кэлим Федеральнай автоматизированнай ситим оператордаах (ЕАИС) Киинэ Пуондатыгар регистрацияланан официальнайдык үлэлиир. Бу киинэ саалатын бырайыага уопсай сууммата 900 тыһ. солк. тахса буолла. Күүс-көмө буолбут дьоннорбор уонна «Экстра-Синема» дириэктэригэр Петр Чиряевка барҕа махталбын тиэрдэбин диэтэ, — 5-с Малдьаҕар нэһилиэгин баһылыга Николай Осипов.
Киин куоракка курдук Кытыл Дьура нэһилиэгэр эмиэ саҥа киинэлэри көрөр кыах үөскээтэ. Олохтоохтор киинэҕэ сылдьалларын өр көһүттүлэр.
Уйбаан УЙГУУРАП.
Хаартыскалар уонна видеоҕа устуулар, Кытыл Дьура баһылыга Николай Осипов тус архыыбыттан туһанылыннылар: https://t.me/gazetahangalas/38049