Ньургун Лотов: «Кыстыгы этэҥҥэ туораатарбыт!»

Хаҥаластааҕы олорор дьиэ хомунаалынай хаһаайыстыба Кытыл Дьуратааҕы учаастагар быйылгы кыстыкка биэс хочуолунай дьиэни-уоту сылааһынан хааччыйан олорор.

 — Тэрилтэҕэ 31 киһи үлэлиир, — диэн кэпсиир салайааччы Ньургун Лотов. – Кыстыгы бэлэмнээх көрсөн үлэлиибит. Оттукка 1430 туонна чох саас тиэллэн турар, кулун тутарга диэри хааччыллан олоробут. Уубутун бэйэбит тиэйэбит. Итии ситимигэр социальнай эбийиэктэрбит – оскуола, балыыһа, кулууп, дьаһалта дьиэтэ, библиотека, оҕо уһуйаана уопсай уонна 21 кэтэх дьиэ холбонон тураллар. Күһүн оскуола хочуолунайыгар үс хочуолу уларытан өрөмүөн ыыппыппыт. 2024 сылга квартальнай хочуолунай тутулларын күүтэбит. Кыстыгы этэҥҥэ туораатарбыт диэн үлэлиибит. Саамай тирэнэр үлэһиттэрим Андрей Сакердонов, Николай Петров, Виктор Васильев буолаллар. Кэлэктиип иллээхтик үлэлиир дьулуурдаах, — диэтэ кини.

Людмила Аммосова.