Покровскай 1-кы №-дээх орто оскуолатыгар “Оҕону сахалыы иитии – омук инникитэ” диэн улуустааҕы төрөппүт мунньаҕа ыытылынна.
Мунньах оҕону иитиигэ дьиэ кэргэн уонна оскуола, уһуйаан бииргэ үлэлээн, сахалыы өйү-санааны, тылы-өһү, сиэри-туому оҕо ийэ кутугар иҥэриитигэр, дьиэ кэргэн иһигэр сахалыы саҥаны кэҥэтиигэ, төрөөбүт ийэ тыл уонна төрөөбүт ийэ дойду быстыспат ситимнэрин өйдөтүүгэ туһуланна.
Тэрээһини оскуола саха тылын учуутала Людмила Горохова уонна Дьокуускай куораттан «Күөрэгэй» төрөппүт түмсүүтүн салайааччыта Алла
Ноговицына иилээн ыыттылар.
Кэпсэтиигэ Ил Түмэн дьокутаата Ньургуйаана Заморщикова, үрдүк категориялаах невролог-быраас Елизавета Сивцева, Оҕо саас амбассадора, блогер-оҕо Айыына Кожурова ийэтинээн Майя Кожурованы кытта, блогердар Борислав Степанов, Уйгулаана Николаева — Сай Саха уонна Айыы Кыһата оскуола дириэктэрэ Лидия Шамаева, нейропсихолог Юлия Цыпандина ыалдьыттаатылар уонна төрөппүттэр, улууспут оскуолаларын учууталлара кытыннылар.
Ольга Гермогенова.
Ааптар хаартыскаҕа түһэриитэ уонна видеоҕа устуута: https://t.me/gazetahangalas/52545
