Сир-сир аайы Олоҥхо күнүнэн араас тэрээһиннэр ыытыллаллар.
— Хачыкаат модельнай библиотекатыгар чэппиэр күн «Олоҥхо саха норуотун киэн туттуута» диэн кинигэ быыстапкатын, ону сэргэ олоҥхо дойдутугар айан презентацияны билиһиннэрии буолла. «Олоҥхону төһө билэҕин?» викторина ыытыллынна. Ону сэргэ «Ньургун Боотур» киинэни көрдөрүү тэрилиннэ. Тэрээһиҥҥэ «Сарыал» култуура киинэ көмөлөстө. Кыттааччылар бары дуоһуйан тарҕастылар, — диэн иһитиннэрдэ модельнай библиотека сэбиэдиссэйэ Светлана Архипова уонна нэһилиэккэ оҕолорго ыытыллыбыт «Чөмчүүк саас» күрэххэ төрдүс кылаас үөрэнээччитэ Дима Сумейманов олоҥхо толоруулаах видеотын ыытта — Көрүҥ видеоны «Олоҥхоҕо оҕолор холоноллор»
Уолчааны эбээтэ Людмила Спиридоновна Максимова кыра сааһыттан үһүйар. Дима улуустааҕы, өрөспүүбүлүкэтээҕи олоҥхоҕо анаан ыытыллыбыт тэрээһиннэр хас да төгүллээх кыайыылааҕа. Холобурда ылыҥ!
Людмила Аммосова.