Учуутал күнүнэн Покровскай куорат төрдүс оскуолатын сырдатарга сананным. Дириэктэрбит Козлова Надежда Михайловна аатын курдук эрэллээх киһи. Оскуолаҕа уонча сыл үөрэх чааһыгар сэбиэдиссэйинэн, алтыс сылын дириэктэринэн үлэлии сылдьар.
Бу оскуолаҕа биһиги дьиэ кэргэн сэттэ сиэммититтэн биэһэ үөрэнэр. Убайдара Анатолий оскуоланы бүтэрээт университекка туттарсан үөрэҕин кыһыл дипломнаах бүтэрбитэ. Билигин салгыы үөрэнэ сылдьар. Оскуолаҕа үөрэнэ сылдьан туйгуннук үөрэммитин иһин иккитэ президент елкатыгар сылдьан турар. Кыраларбыт эмиэ убайдарын курдук ситиһиилээхтик үөрэниэхтэрэ диэн эрэллээхпит.
Дириэктэрдэрэ Надежда Михайловна сүүрүүтүнэн-көтүүтүнэн, туруорсуутунан оскуолата толору өрөмүөннэннэ. Онон оҕолорго, учууталларга үчүгэй усулуобуйа тэрилиннэ.
Ытыктабыллаах учууталлары идэлээх күннэринэн итиитик-истиҥник эҕэрдэлээн туран баҕарыаҕыҥ доруобуйаны, чөл олоҕу, этэҥҥэ буолууну, дьолу-соргуну. Биһиги көлүөнэ кэмигэр учуутал диэн таҥараҕа тэҥнээх киһи буолара. Билигин тоҕо эрэ оннук буолбатах, оҕолорбутун-сиэннэрбитин кытары анаан-минээн кэпсэтэр солобут суох, бары тус-туспа кыһалҕалаах курдукпут. Ол эрээри оҕо итиитин уһуйааннарга, оскуолаларга сэлээннээн кэбиһэрбит сыыһа.
Харалаан.