Анисия Гавриловна Соколова 1905 сыллаахха Орджоникидзевскай оройуоҥҥа Булгунньахтаахха төрөөбүт. Омугунан нуучча. 1915 сылтан ССКП чилиэнэ.
Анисия Соколова Восток үлэһиттэрин Сталин аатынан Коммунистическай университетыгар үөрэммитэ. Комсомол Петрозаводскайдааҕы обкомугар уонна ССКП Саха сиринээҕи обкомун аппаратыгар үлэлээбитэ.
Кыһыл Аармыйаҕа 1941 сыл сэтинньититтэн 1946 сыл тохсунньутугар диэри сулууспалаабыта.
Сэриигэ ыҥырыллыбыт 18 саастаах уолугар кини бу курдук суруйбут: «Таптыыр оҕом Радя! Төрөппүт ийэҥ маннык накааһы биэрэбин: төрөөбүт дойдугар, биэрбит бирисээгэҕэр бэриниилээх буол! Өйдөө, ити сырдык андаҕар. Кыргыһыыга сэрэхтээх уонна кыраҕы буол. Эрдээхтик, хорсуннук кыргыс. Өлөртөн куттаныма. Өлөрү уонна өстөөҕү кыайыам диэн эрэнэр буол.
… Бэйэҥ норуотуҥ эрэлин түһэн биэримэ, күүскүн уонна олоххун да харыстаама». Ити курдук ийэ уолугар ис сүрэҕиттэн андаҕар кытаанах тыллара киһини долгутар. Уолугар даҕаны ийэ кэриэс тыллара кытаанахтык иҥпит буолуохтаахтар…
Дальнай Восток фронугар ыараханнык бааһырбыттар госпиталларыгар бэриниилээх үлэтин иһин Соколова А.Г. Кыһыл Сулус уордьанынан наҕараадаламмыта.
(«Хаҥалас бойобуой офицердара», 2010 с. кинигэттэн).