Бүгүн СӨ Тыа хаһаайыстыбатын министиэристибэтин дьиэтигэр «Тыа сирэ – омук дьылҕата» форум үлэтин саҕалаата. Манна дьокутааттар, араас улуустан общественниктар, фермердар, тыа хаһаайыстыбатыгар үлэлиир урбаанньыттар, эдэр ыччат мустан сүрүн соруктары ырыттылар.
Форум сүрүн сыала – тыа сирин кыһалҕаларын тула биир санаалаах дьону түмүү уонна уопсастыбаннай хамсааһыны тэрийии буолар. Бу икки күн иһигэр форум кыттыылаахтара түөрт секциянан «Олох усулуобуйатын тупсарыы», «Оҥорон таһаарыыны сайыннарыы», «Нэһилиэк өйө-санаата» уонна «Нэһилиэк тутула» диэн хайысхаларынан бары бииргэ, атах тэпсэн олорон сүбэлэтиэхтэрэ, көдьүүстээх этиилэри киллэриэхтэрэ.
Сиһилии форум туһунан, кыттааччыларын санааларын «Хаҥалас» хаһыакка ааҕаарыҥ.
Татьяна Владимирова.