Биһиги, М.Е.Васильева аатынан 2-с Малдьаҕар орто оскуолатын оҕолоро, Тиит Арыы орто оскуолатыгар бара сылдьаммыт үөрэнээччилэргэ маастар-кылаас көрдөрдүбүт.
Кириэс тэбии, тутум эргиир, көтөх ынаҕы туруоруу, ойбонтон уулааһын, хабылык, хаамыска курдук сахалыы спорт көрүҥнэригэр үөрэттибит. Оскуола оҕолоро саха төрүт оонньууларын интэриэһиргээтиннэр уонна элбэхтик дьарыктанныннар диэн, тутум эргийэр снаряд бэлэхтээтибит.
Быйыл оскуолабытыгар “Бөртө” диэн ааттаах спортивнай кулууп арыллыбыта. Ол туһунан оҕолорго эмиэ кэпсээтибит. Биһиги оскуолабыт үөрэнээччилэрэ сыл устата араас спорт көрүҥнэринэн спартакиадаҕа кыттабыт. Бастакы күрэхпит ыстаҥа буолар. Сыл аайы “Дьулурҕан” диэн саха төрүт оонньууларыгар улахан күрэхтэһии ыытабыт, “Игры предков” диэн агрооскуолалар өрөспүүбүлүкэтээҕи күрэхтэһиилэрэ иккитэ биһиги оскуолабытыгар ыытылынна. Мин эдьиийбин Лизаны кытта сахалыы төрүт көрүҥнэринэн дьарыктанабыт. Лиза өрөспүүбүлүкэҕэ муҥутуур кыайыылаах буолбута.
Ильяна Осипова, М.Е. Васильева аатынан 2-с Малдьаҕар орто оскуолатын 7 кылааһын үөрэнээччитэ.